كشف الممثل والنجم مصعب عمر عن وجود أشخاص يعترضون على دور شيخ رفاعي الذي شارك في مسلسل”ودالمك” واعتبروه تشويه لسمعة الشيوخ ورجال الدين.
وبحسب متابعات محررة “كوش نيوز” قال مصعب عمر عبر منشور على صفحته بفيس بوك : “كتبت البوست دا واحتمال يكون آخر بوست في الصفحة ما معروف
لكن نحن الآن في مسلسل ود المك بنتعرض لحملة كبيرة جداً وممنهجة من …….. ماف داعي ل ذكر الأسماء بسبب مسلسل “ود المك” وشخصية شيخ رفاعي اللي ظهرت في حلقات المسلسل
طيب أنا عايز أسال سؤال لو الموضوع دا ما حاصل ومؤثر ليه تحاربوه؟
في ناس كتيرة زي شيخ رفاعي دا في كل منطقه وكل حي داخل السودان والناس اللي بتتطلع المنبر وتتكلم كلام والله الواحد بخجل يقوله في أي حتة هل ديل شيوخ ؟!
هل الناس اللي بتستضيف الحفلات والغناء في ساحاتهم ديل هم الشيوخ عندكم ؟!
هل الشيوخ الصح عندكم هم اللي بعملوا جرائم الاغتصاب؟
هل الشيوخ عندكم هم اللي بيرتكبوا الزنا؟
حاجة تانية، الدنيا دي فيها الصالح والطالح زي مافي شيوخ كعبين زي اللي نحن سلطنا عليهم الضوء في المسلسل في كذلك شيوخ كويسين نكن لهم كل الاحترام والتقدير والله .
وواصل حديثه “المهم يا شباب اللبيب بالإشارة بفهم
ونحنا دي رسالتنا وبنوصلها لأي زول
حسبنا الله ونعم الوكيل فيكم
والمسلسل بتاعنا بتاع ودالمك نحن حنتناول فيه كل القضايا في قادم الحلقات وكلها حا نسلط عليها الضوء”.
الخرطوم:(كوش نيوز)
